-
-
-
-
पोखरा । कास्की प्रहरीले लागूऔषधसहित तीन जनालाई पक्राउ गरेको छ । शुक्रवार इलाका प्रहरी कार्यालय शिशुवा र वडा प्रहरी कार्यालय गगनगौंडा कास्कीबाट खटिएको संयुक्त प्रहरी टोलीले उनीहरूलाई पोखरा महानगरपालिका वडा नं. ३० पावर हाउसबाट पक्राउ गरेको हो ।
पक्राउ पर्नेमा नवलपरासी बर्दघाट नगरपालिका वडा नं. १२ का वर्ष २६ का अमित शर्मा बढै, बर्दघाट १३ को वर्ष २६ का गोपी लोनिया र वर्ष २२ का प्रदीप बानिया रहेका छन् ।
कास्की प्रहरीका अनुसार तीन जना नै लागूऔषध बोकेर एउटै बसमा तनहुँबाट पोखरा आउँदै गर्दा पक्राउ परेका हुन् ।
उनीहरूको साथबाट लागूऔषध डाईजापाम-२०० एम्पुल, फेनेरागन-२०० एम्पुल र नुर्फिन-२०० एम्पुल गरी जम्मा-६०० एम्पुल र १ थान मोबाइल बरामद भएको कास्की प्रहरी प्रवक्ता सुन्दर तिवारीले जानकारी दिए ।
पक्राउ परेका तीनै जनालाई कास्की जिल्ला अदालतबाट लागूऔषध सम्बन्धी मुद्दामा १० दिन म्याद थप गरी अनुसन्धान प्रक्रिया अघि बढाइएको छ ।
