-
-
-
-
काठमाडौं । राजधानीबाट २० जना चिनियाँ नागरिक पक्राउ परेका छन् । उनीहरुलाई महाराजगञ्जबाट शनिबार पक्राउ गरिएको प्रहरीले जनाएको छ । उपत्यका अपराध अनुसन्धान कार्यालय र अध्यागमन विभागले उनीहरुलाई पक्रेको हो ।
पक्राउ गरिएकामध्ये केहीको भिसा नै नभएको पाइएको छ । चीनबाट नेपाल आउँदा पर्यटक भिसामा आउने तर यहाँ आएर व्यपार गर्न थालेपछि प्रहरी सजग देखिएको छ । विभागले अनुगमन गर्दा पर्यटक भिसामा आएर केहीले व्यापार गरेको भेटिएको थियो ।
पक्राउ परेकाहरुलाई कानूनी कारबाहीका लागि अध्यागमन विभागको जिम्मा लगाइने छ ।
