चुनावमा होमिएका वडाध्यक्षका उम्मेदवार कांग्रेसमा प्रवेश

हाम्रा कुरा

प्रकाशित २०७९ वैशाख २१ बुधबार

डोटी । डोटीमा वडाध्यक्षका उम्मेदवार नेपाली कांग्रेसमा प्रवेश गरेका छन् । नेकपा ( माओवादी केन्द्र ) बाट वडाध्यक्षमा उम्मेदवारी दिएर चुनाव प्रचार प्रसार समेत गरिसकेका उम्मेदवार कांग्रेसमा प्रवेश गरेका हुन् ।

शिखर नगरपालिका - ११ का उम्मेदवार शेर बहादुर बलायर बुधबार कांग्रेसमा प्रवेश गरेका हुन् । उनलाई नेपाली कांग्रेस सुदूरपश्चिम प्रदेश सभापति वीरबहादुर बलायरले टिका लगाएर स्वागत गरेका थिए ।

बलायर माओवादी केन्द्रका वडा कमिटी अध्यक्ष समेत हुन् । माओवादीले सत्ता, सरकार, व्यवस्था, संविधानको विगत देखिनै गलत प्रयोग गर्दै आएको र अहिले निर्वाचनमा झुटा आश्वासन बाँडेर भोट माग्न थालेपछि आफूले पार्टी छोडेको उनले बताए ।

पार्टी प्रवेश गर्दै उनले शिखरका हरेक वडाहरूमा नेपाली कांग्रेसको जीत सुनिश्चित भएको बताउँदै अन्य कम्युनिष्टहरुलाई समेत कांग्रेसमा मतदान गर्न आग्रह गरे ।