काठमाडौं । ट्वीटरले सोमबारको फाइलिङमा फेक र स्पाम अकाउन्ट दैनिक सक्रिय प्रयोगकर्ताहरूको ५ प्रतिशत भन्दा कम रहेको कुरा उल्लेख गरेको छ । यससँगै ट्वीटर किन्न सम्झौता गरेका एलन मस्कले अस्थायी रुपमा ट्वीटर किन्ने सम्झौता रोकिएको बताएका छन् ।
सोसल मिडिया कम्पनीको पहिलो त्रैमासिकको तथ्यांक अनुसार विज्ञापन देखाउनका लागि २२ करोड ९० लाख प्रयोगकर्ताहरू थिए ।
४४ अर्ब डलरमा ट्विटर किन्ने सम्झौता गरेका टेस्लाका मालिक एलन मस्कले प्लेटफर्मबाट स्प्याम बटहरू हटाउने प्रमुख प्राथमिकता हो भनेको अर्काे दिन यस्तो तथ्यांक सार्वजनिक भएको हो ।
टेस्लाका प्रमुख मस्कले शुक्रबार आफ्नो ४४ अर्ब डलरको ट्वीटर सम्झौता स्प्याम र नक्कली अकाउन्टको बाँकी विवरणका कारण अस्थायी रूपमा रोकिएको बताएका हुन्।
एक ट्विट गर्दै मस्कले भनेका छन्,'स्प्यामरनक्कली खाताहरू वास्तवमा ५ प्रतिशत भन्दा कम छन् भन्ने गणनालाई समर्थन गर्ने पेन्डिङ विवरणहरूका कारण ट्वीटर किन्ने सम्झौता अस्थायी रूपमा होल्डमा रहेको छ।'
Twitter deal temporarily on hold pending details supporting calculation that spam/fake accounts do indeed represent less than 5% of usershttps://t.co/Y2t0QMuuyn
ट्वीटरले फाइलिङमा मस्कसँगको सम्झौता नसकिएसम्म विज्ञापनदाताहरूले ट्वीटरमा खर्च गर्छन् कि गर्दैनन्, भावी योजना र रणनीतिलगायतका सम्भावित अनिश्चितताले कम्पनीलाई जोखिममा राखेको बताएको छ ।
