-
-
-
-
काठमाडौं । एसियाली मुलुक अष्ट्रेलिया कतार विश्वकप २०२२ मा छनोट भएको छ । अन्तरमहादेशिय छनोटमा पेरुलाई पराजित गर्दै अष्ट्रेलिया विश्वकपमा छानिएको हो । सोमबार राति भएको खेलमा निर्धारित ९० र अतिरिक्त ३० मिनेटमा कुनै गोल नभएपछि खेलको छिनोफानो पेनाल्टी सुटआउटमा भएको थियो ।
जहाँ पेनाल्टीमा समेत ४–४ को बराबरी भएपछि खेलको नतिजा सडन डेथमा भएको थियो । अष्ट्रेलियाका भेट्रान गोलरक्षक आन्द्रे रेडमायने नायक बने । ३३ वर्षीय खेलाडीले पेरुका एलेक्स भालेराको पेनाल्टी बचाए ।
यससँगै एसियाबाट जापान, साउदी अरेबिया, दक्षिण कोरिया, इरान, अष्ट्रेलिया र कतार गरी ६ टिमले विश्वकपमा सहभागीता जनाउने भएका छन् ।
विश्वकपमा खेल्ने ३२ टिममध्ये अब एउटामात्र टिमको छिनोफानो हुन बाँकी छ । आज राति कोस्टारिका र न्यूजिल्याण्डबीचको प्लेअफ सकिएपछि सबै टिमको छिनोफानो हुनेछ ।
