- सुन चाँदी दर
- विनिमय दर
- नेपाली पात्रो
- राशिफल
नेपालगञ्ज । बाँकेको राप्ती नदीको बाढीमा फसेका दुई जना महिलाहरुलाई प्रहरीले सकुशल उद्दार गरेको छ । माछा मार्न राप्ती नदीमा गएका राप्तीसोनारी गाउँपालिका वडा नम्बर ४ का ३५ बर्षीया प्रदेशनी थारु र ४० वर्षीया मीना थारु बाढीमा फसेको खबर पाए लगत्तै गाउँपालिका अध्यक्ष तप्तबहादुर पौडेलले प्रहरी चौकी कचनापुरलाई तत्काल उद्दारमा खटिन भनेका थिए ।
त्यस पश्चात् प्रहरी सहायक निरीक्षक विष्णु खड्काको टोलीले शनिबार दिउँसो लालपुर घाटको टापुबाट उनीहरुको उद्दार गरेको हो । माछा मार्न गएका उनीहरु राप्ती नदीको बाढीमा फसेको खबर पाए लगत्तै गएको प्रहरी टोलीले दिउँसो साढे ३ बजे बग्दैला घाटनजिकबाट उद्दार गरेको प्रहरी सहायक निरीक्षक खड्काले जानकारी दिएका छन् । उद्दार पश्चात् उनीहरुलाई आफन्तको जिम्मा लगाइएको छ।