नयाँ दिल्ली। प्रधानमन्त्री नरेन्द्र मोदीले आइतबार प्राकृतिक खेतीले व्यक्तिगत लाभको साथ 'सर्वे भवन्तु सुखिनः' लाई पनि साकार गर्ने गरेको बताएका छन्। भारतसित प्राकृतिक खेतीको पुरानो अनुभव रहेको छ र यस क्षेत्रमा हामी विश्वको नेतृत्व गर्न सक्छौं।

प्रधानमन्त्री मोदीले भिडियो कन्फ्रेन्सिङको माध्यमले गुजरातमा आयोजित प्राकृतिक कृषि सम्मेलनलाई सम्बोधित गरे। सम्मेलनको आयोजन गुजरातको सूरत जिल्लामा गरिँदै छ। यसमा हजारौँ यस्ता किसान सामेल भएका छन्, जसले सूरतमा प्राकृतिक खेतीलाई अपनाए र सफलता हासिल गरे।

सम्मेलनमा प्राकृतिक खेतीको लाभ बारे बताउँदै प्रधानमन्त्री मोदीले भने, 'यसबाट धरती माताको सेवा हुन्छ। उसको उत्पादकताको रक्षा हुन्छ। यसबाट प्रकृति र पर्यावरणको सेवा हुन्छ। यसबाट गौ माताको सेवाको सौभाग्य पनि मिल्छ'। परम्परागत खेतीलाई प्रोत्साहन दिने सरकारी प्रयासहरूको उल्लेख गर्दै प्रधानमन्त्रीले भने, 'यसबाट जुड़ेको कृषि विकास योजना र भारतीय कृषि पद्धति कार्यक्रमहरूको माध्यमले आज किसानहरूलाई संसाधन, सुविधा र सहयोग दिँदै छ। यस योजना अन्तर्गत भारतमा 30 हजार क्लस्टर्स बनाइएको छ। लाखौँ किसानहरूलाई यसको लाभ प्राप्त भई रहेछ'।

कृषि उन्नतिलाई देशको समृद्धिसित जोड्दै उनले भने, 'हाम्रो जीवन, हाम्रो स्वास्थ्य, हाम्रो समाज सबैको आधारमा हाम्रो कृषि व्यवस्था नै छ। भारत त स्वभाव र संस्कृतिले कृषि आधारित देश नै रहेको छ। यसैले जसो-जसो हाम्रो किसान अघि बढ्नेछ, त्यसो-त्यसो हाम्रो कृषि उन्नत र समृद्ध हुनेछ र हाम्रो देश अघि बढ्नेछ। हाम्रा गाउँहरूमा देशमा परिवर्तन ल्याउने क्षमता छ। डिजिटल इण्डिया मिसनको असाधारण सफलता यसको जवाफ हो। हाम्रा गाउँहरूले देखाएका छन्, गाउँले न केवल बदलाव ल्याउन सक्छ तर बदलावको नेतृत्व पनि गर्न सक्छ। केही महिनाअघि गुजरातमा प्राकृतिक कृषिको विषयमा नेशनल कन्क्लेवको आयोजन भएको थियो। यस कन्क्लेवमा पूरा देशका किसान जोडिएका थिए। आज एक पल्ट फेरि सूरतमा यो महत्त्वपूर्ण कार्यक्रम यसको प्रतीक हो कि गुजरातले कुन प्रकारले देशको अमृत सङ्कल्पहरूलाई गति दिई रहेछ'।