स्पेनिश ला लिगा शुरु, सेभियालाई झड्का, ओसासुनाको विजयी शुरुआत
हाम्रा कुरा
प्रकाशित २०७९ साउन २८ शनिबार
1k
Shares
काठमाडौं । स्पेनिश ला लिगा फुटबलको नयाँ सिजन शुरु भएको छ । शुक्रबार राति भएको उद्घाटन खेलमा ओसासुना विजयी भएको छ ।
सेभियालाई २–१ गोल अन्तरले हराउँदै ओसासुनाले सुखद शुरुआत गरेको हो । खेलको नवौं मिनेटमा इजिक्वेइल अभिलाले गोल गर्दै ओसासुनालाई अग्रता दिलाए ।
खेलको ११ औं मिनेटमा राफा मिरले गोल गर्दै सेभियालाई १(१ गोलको बराबरीमा ल्याए । त्यसपछि खेलको ७४ औं मिनेटमा ईमर ओरोजले पेनाल्टीमा गोल गर्दै ओसासुनालाई २–१ को जित दिलाए ।
यस जितसँगै ओसासुनाले पहिलो खेलमै महत्वपूर्ण ३ अंक जोडेको छ ।
सेभियाले हारबाट सिजनको शुरुआत गरेको छ ।
लिग अन्तर्गत आज तीन खेल हुनेछन् । पहिलो खेलमा राति ८ः४५ बजे सेल्टाभिगोले घरेलु मैदानमा स्पानियोलसँग खेल्नेछ ।
दोस्रो खेलमा राति १०ः४५ बजे रियाल भल्लाडोलिडले घरेलु मैदानमा भिल्लारियलसँग खेल्नेछ ।
त्यस्तै तेस्रो खेलमा राति १२ः४५ बजे बार्सिलोनाले घरेलु मैदानमा रायो भाएकानोसँग खेल्नेछ ।
