-
-
-
-
काठमाडौं । नेपाली कांग्रेसका नेता प्रदीप गिरीको शनिवार निधन भएपछि कांग्रेसले आइतवार आकस्मिक बैठक बोलाएको छ ।
कांग्रेसले पार्टी कार्यलय सानेपामा केन्द्रीय कार्यसमितिको बैठक बोलाएको हो । बैठक १०:३० बजे बस्दैछ ।
बैठकले पार्टी केन्द्रीय सदस्य गिरीको शोक प्रस्ताव पारित गर्ने बताइएको छ ।
गिरीको निधनप्रति कांग्रेस पदाधिकारी तथा नेताहरुले श्रद्धाञ्जली व्यक्त गरिरहेका छन् ।
गिरीको पार्थिव शरीर ११ : ३० बजे देखि दिउँसो २ बजेसम्म पार्टी कार्यालय सानेपामा राखिदैछ ।
भारतमा घाँटीको क्यान्सरको उपचार गरी नेपाल फर्किएका गिरीको शनिवार राति मेडिसिटी अस्पतालमा उपचार क्रममा निधन भएको हो ।
