काठमाडौं । संसारको सबैभन्दा ठूलो र सबैभन्दा शक्तिशाली स्पेस टेलिस्कोपले बृहस्पति ग्रहको अभूतपूर्व दृश्यहरू सार्वजनिक गरेको छ ।जेम्स वेब स्पेस टेलिस्कोप (जेडब्ल्यूएसटी) ले जुलाईमा सौर्यमण्डलको सबैभन्दा ठूलो ग्रह बृहस्पतिको तस्बिर खिचेको थियो ।

दृष्यहरुमा अरोरास, विशाल आँधीबेहरी, चन्द्रमा र बृहस्पति वरिपरिको घेराहरू विस्तृत रुपमा देखिएका छन् । खगोलविद्हरूले यसलाई  'अविश्वसनीय' भनेर वर्णन गरेका छन् । इन्फ्रारेड तस्बिरहरू मानिसको आखाले देख्न सकिने गरी रंगीन पारिएका छन् । किनकि इन्फ्रारेड लाइट मानिसको नांगो आखाले देख्न सकिँदैन।

'हामीले बृहस्पतिलाई यस्तो कहिल्यै देखेका छैनौं, यो सबै एकदम अविश्वसनीय छ,' क्यालिफोर्निया विश्वविद्यालयका ग्रह खगोलविद् इम्के डे पाटरले भनेकी छिन् । जसले यस परियोजनामा ​​मुख्य भूमिका निर्वाह गरेका थिए ।

'हामीले वास्तवमै यो राम्रो हुने अपेक्षा गरेका थिएनौं,' उनले अघि भनेकी छिन् ।

१० अर्ब अमेरिकी डलरको जेम्स वेब स्पेस टेलिस्कोप नासाको नेतृत्वमा युरोपेली अन्तरिक्ष एजेन्सी र क्यानाडाको अन्तरिक्ष एजेन्सीका साझेदारहरूसँगको अन्तर्राष्ट्रिय मिसन हो।

नासाले टेलिस्कोपबाट धेरै दृष्यहरुको कम्पोजिटबाट सिर्जना गरिएको बृहस्पतिको स्ट्यान्डअलोन दृश्यमा अरोराहरू बृहस्पतिको उत्तरी र दक्षिणी ध्रुवहरू माथि उच्च उचाइमा विस्तार भएको देखाएको छ। अरोराहरू सूर्यको कारणले आकाशमा हुने लाइट शो हुन् ।

यसैबीच ग्रेट रेड स्पट एक प्रसिद्ध तूफान जसले पूरै पृथ्वीलाई निल्न सक्छ। धेरै सूर्यको प्रकाश प्रतिबिम्बित भएका कारण तस्बिरमा यो सेतो देखिएको छ।

जेम्स वेब स्पेस टेलिस्कोप सन् २०२१ मा पृथ्वीबाट १६ लाख किलोमिटर टाढा अन्तरिक्षमा राखिएको छ। यसले बिग ब्याङ्गको केही क्षणपछि पृथ्वीतर्फ १३ अर्ब वर्ष अघि यात्रा सुरु गरेको प्रकाश पत्ता लगाउन सक्छ।

प्रसिद्ध हबल टेलिस्कोपको उत्तराधिकारीको रूपमा हेरिएको जेम्स वेब स्पेस टेलिस्कोप कम्तीमा अर्को २० वर्षको खोजको लागि एक प्रमुख शक्ति हुने अपेक्षा गरिएको छ।