- सुन चाँदी दर
- विनिमय दर
- नेपाली पात्रो
- राशिफल
राप्तीसोनारी । बाँकेको राप्तीसोनारी गाउँपालिकामा निजामती सेवा दिवस मनाइएको छ । निजामती सेवा दिवसको अवसरमा राप्तीसोनारी गाउँपालिकाका कर्मचारीहरुले बुधबार बिहान सरसफाइ गरेका छन् ।
निजामती कर्मचारीले कार्यालयदेखि अगैया बजारसम्म पुगेर सरसफाई गरेको प्रमुख प्रशासकीय अधिकृत हरिबहादुर खत्रीले जानकारी दिए । दिवसकै अवसरमा दिउँसो ३ बजे जनप्रतिनिधि र कर्मचारीहरुबीच मैत्रीपूर्ण फुटबल प्रतियोगिताको आयोजना गरिएको छ ।
कालो दिनको रुपमा चित्रण, हातमा कालो पट्टी
राप्तीसोनारी गाउँपालिकाका कर्मचारीहरुले निजामती दिवस मनाइरहँदा आजको दिनलाई कालो दिनका रुपमा चित्रण गरेका छन् । नयाँ निजामती ऐन, कर्मचारी समायोजन लगायत विषयमा असन्तुष्टि जनाउँदै निजामती कर्मचारी युनियन लगायत विभिन्न संघसंगठन आन्दोलित छन् ।
उक्त आन्दोलन चलिरहेका कारण निजामती दिवसलाई कालो दिनका रुपमा मनाउन बाध्य भएको निजामती कर्मचारी युनियन राप्तीसोनारीका अध्यक्ष गौरवकुमार लामिछानेले बताए ।
उनीहरुले हातमा कालो पट्टी बाँधेर दिवस मनाएका हुन् ।