खान नपुगेर चितवन झरेँ, प्रधानमन्त्री बनेको सपना जस्तो लाग्छ : प्रचण्ड

हाम्रा कुरा

प्रकाशित २०७९ भदौ २७ सोमबार

काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले आफू गणतन्त्र नेपालको दुई पटक प्रधानमन्त्री भएको सपनाजस्तो लाग्ने गरेको बताएका छन् ।

आइतबार राजधानीमा आयोजित एक कार्यक्रममा प्रचण्डले सामान्य परिवारको मान्छे गणतन्त्र नेपालको दुई पटक प्रधानमन्त्री बन्न सकेको बताउँदै आफैलाई सपनाजस्तो लाग्ने जिकिर गरे ।

प्रचण्डले पहाडमा खान नपुगेर चितवन बसाइसरेको स्मरण गरेका छन् । प्रचण्डले भने ,' म पहाडमा खान नपुगेर चितवन बसाइसरेको हुँ । गरिब परिवारको एउटा बच्चा दुई पटक त प्रधानमन्त्री भइसके गणतन्त्र नेपालको । कसरी सम्भव भयो भनेर आफैलाई सपना हो कि बिपना हो जस्तो लाग्छ ।'

प्रचण्डले सामान्य परिवारको व्यक्तिले दुई पटकसम्म मुलुकको गर्न सकेको बताउँदै आफूलाई गौरवशाली लाग्ने धारणा राखे । उनले दश वर्षे युद्धको सुप्रिम कमाण्डरको रूपमा नेतृत्व गरेको स्मरण गर्दे शान्ति सम्झौता मार्फत युद्धलाई शान्तिमा रूपान्तरण गर्न नेतृत्व गर्ने अवसर मिलेको सम्झिए ।