-
-
-
-
बाजुरा । जिल्लाको बुढीगंगा नगरपालिकामा जङ्गली जनवार भालुको आक्रमणमा परी एक जना पुरुष गम्भीर घाइते भएका छन् ।
घाइते हुनेमा सोही नगरपालिका–९ का स्थानीय ५९ वर्षीय पुरन सेराला रहेको आफन्त मनोज सेरालाले बताएका छन् ।
गाउँ नजिकै मेलडाडा जङ्गलमा मङ्गलवार दिउँसो गोरु चराइरहेको बेला भालुको आक्रमण परेर गम्भीर घाइते भएका हुन् । घाइते सेरालालाई अछामको बयलपाटा अस्पतालमा उपचारका लागि लगिएको स्थानीय कृष्ण सेरालाले बताए ।
उनको टाउको, छाती र खुट्टामा गम्भीर चोट लागेको छ । आर्थिक अवस्था कमजोर भएका पुरनको उपचारमा समस्या हुने स्थानीयले बताएका छन् ।
