-
-
-
-
भरतपुर । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ ले छोरी भरतपुर महानगरपालिकाकी प्रमुख रेणु दाहालसँग फिल्म हेरेका छन् ।
भरतपुरको नारायणगढको इन्द्रदेव चलचित्र भवनमा छोरीसँग प्रचण्डले फिल्म हेरेका हुन् । प्रचण्ड ६:०९ बजेको शो हेर्न चलचित्र भवन पुगेका थिए ।
प्रचण्डले इन्द्रदेव चलचित्र भवनमा ‘प्रेमगीत ३’ हेरेका हुन् । चलचित्र हेरेपछि उनले चलचित्र हेर्न लायक बनेको बताए ।
उनले चलचित्रमा कलाकारले आआफ्नो जिम्मेवारी र भूमिका राम्रोसँग प्रस्तुत गरेको बताए । “सन्देशको दृष्टिकोणले म यत्ति भन्न चाहन्छु यो मसलेदार फिल्म छ”, उनले भने ।
अध्यक्ष दाहालले नेपालीले बनाएको यो चलचित्र सबैतिर प्रचार भएको भन्दै यसले नेपाली चलचित्र क्षेत्रको विकासमा महत्त्वपूर्ण टेवा पुग्ने विश्वास व्यक्त गरे ।
