-
-
-
-
काठमाडौं । टी–२० विश्वकप क्रिकेट खेल्न अष्ट्रेलिया पुगेका श्रीलंकाली खेलाडी धनुष्का गुनाथिलाका बलात्कारको आरोपमा पक्राउ परेका छन् ।
२९ वर्षीया महिलाले प्रहरीमा धुनुष्काले आफूमाथि बलात्कार गरेको उजुरी दिएपछि आज बिहानै उनी पक्राउ परेका हुन् । क्रिकइन्फोका अनुसार गत बुधबार रोज बेमा गुनाथिलाकाले महिलामाथि यौन दुर्व्यवहार गरेका थिए ।
थप छानबिन गर्न ३१ वर्षीय दानुस्कालाई नियन्त्रणमा लिएर सिड्नी सिटी प्रहरी चौकीमा राखिएको छ ।
उनीमाथि ती महिलाले आफ्नो सहमति बिना चार पटकसम्म बलात्कार गरेको आरोप लगाएकी छन् ।
प्रहरीले जमानत दिन अस्वीकार गरेपछि श्रीलंकाका खेलाडीहरू उनी बिनानै आज स्वदेश फर्किएका छन् । उनी पहिलो चरणको खेलमै ह्यामस्ट्रिङ इन्जुरी भएपछि बाहिरिएका थिए ।
उनलाई भोलि डाउनिङ सेन्टरको स्थानीय अदालतमा पेश गर्ने प्रहरीले जनाएको क्रिकइन्फोले लेखेको छ ।
