‘नेपाली संस्कृति र विकास क्षेत्रमा नेपाल भारत सहकार्य’ विषयक गोष्ठी सम्पन्न
हाम्रा कुरा
प्रकाशित २०७९ फागुन ५ शुक्रबार
2k
Shares
नारायणघाट। राष्ट्रिय एकता अभियानले शुक्रवार चितवनमा ‘नेपाली संस्कृति र विकास क्षेत्रमा नेपाल भारत सहकार्य’ विषयक विचार गोष्ठी सम्पन्न गरेको छ। चितवनको नारायणघाटमा कार्यक्रमको आयोजना गरिएको थियो। कमला सिलवालको अध्यक्षता र अभियानकी राष्ट्रिय उपाध्यक्ष सुनिता साहको प्रमुख आतिथ्यमा आयोजित कार्यक्रममा देव श्रेष्ठ, कविता शर्मा, प्रभाकर भुसाल, गङ्गा प्रसाद साह, मनु तामाङलगायतको समेत उपस्थिति थियो।
कार्यक्रममा दुई देशबीचको भौगोलिक, सांस्कृतिक, व्यापारिक र राजनीति सम्बन्धका विषयमा जानकारी आदानप्रदान गरिएको थियो। कार्यक्रमका वक्ताहरूले भारत र नेपालको आत्मा एकै भएको तर्क गर्दै नेपालको विकासमा भारतले पुर्याइरहेको योगदानको कदर गर्नुपर्ने बताए।
कार्यक्रमका वक्ताहरूले नेपाली संस्कृति र विकासको क्षेत्रमा नेपाल–भारत बीचको सहकार्य उदाहरणीय रहेको भन्दै त्यसलाई अझ बलियो पार्न सनातन धर्म संस्कृतिको संरक्षण जरुरी रहेको बताए। उनीहरूले सनातन धर्म संस्कृतिले मात्र देशको राष्ट्रियता जोगिने बताए।
