- सुन चाँदी दर
- विनिमय दर
- नेपाली पात्रो
- राशिफल
काठमाडौं । राष्ट्रिय प्रजातन्त्र पार्टी (राप्रपा) ले पुष्पकमल दाहाल प्रचण्ड नेतृत्वको सरकारबाट बाहिरिने निर्णय गरेको छ । राप्रपाको बिहान बसेको पार्टीको केन्द्रीय कार्यसम्पादन समिति र संसदीय दलको संयुक्त बैठकले सरकारबाट बाहिरिने निर्णय गरेको हो ।
राष्ट्रपति निर्वाचनमा राजनीतिक समीकरण फेरिएसँगै राप्रपाले सरकारबाट बाहिरिने निर्णय गरेको हो । यसअघि हिजोमात्रै समर्थक र प्रस्तावकमा तटस्थ बस्ने निर्णय गरेको राप्रपाले नेपाली कांग्रेसको पकड बलियो भएसँगै सत्ताबाट बाहिरिने निर्णय गरेको एक नेताले बताए ।
उनले पार्टी नेतृत्वले हतार गरेकोसमेत बताए ।
अध्यक्ष राजेन्द्र लिङ्देनले सरकारबाट बाहिरिने निर्णय गरेको र राजीनामा बुझाउन जान लागेको बताएका छन् । लिङ्देनको नेतृत्वमा सरकारमा गएको राप्रपाका चार मन्त्री रहेका छन् ।
योसँगै राप्रपाले प्रचण्डलाई दिएको समर्थनसमेत फिर्ता लिनेछ ।