'चिनियाँ विस्तारवाद नरोकिएसम्म नेपालको विकास हुँदैन'
हाम्रा कुरा
प्रकाशित २०७९ चैत १२ आइतबार
880
Shares
काठमाडौँ। संविधान सभा सदस्य बिपी यादवले चिनियाँ विस्तारवाद नरोकिएसम्म नेपालको विकास सम्भव नहुने बताएका छन्। आइतबार काठमाडौँ मा राष्ट्रिय एकता अभियानले आयोजना 'नेपालप्रति चिनियाँ अभ्यास र असर' विषयक विचार-गोष्ठीमा बोल्दै उनले चीनले पछिल्लो समय नेपालमाथि विभिन्न कोणबाट आँखा लगाइरहेको टिप्पणी गरे।
उनले भने,'कहिले चीनका लागि नेपाली राजदूतको ओहोदा प्रमाण पत्र नबुझ्दिने त कहिले काठमाडौँमा रहेको चिनियाँ दूतावासमार्फत चीनले नेपालको आन्तरिक राजनीतिमा हस्तक्षेप गर्न लगायतको काम गरिरहेको छ।'
उनले चीनको विस्तारवादी नीतिलाई हामी सबै जना मिलेर नरोकेसम्म नेपालको विकास सम्भव नहुने दोहर्याउनु भयो। त्यस्तै गोष्ठीमा सहभागी विश्लेषक बुद्ध छोरिंग लामाले नेपाललाई श्रीलङ्का बनाउने रणनीतिमा चीन लागेको आरोप लगाए।
उनले भने,'चीनले नेपाललाई श्रीलङ्का बनाउनु खोजिरहेको छ, चीनले पोखरा विमानस्थलमा लगानी गरेर विमानस्थल कब्जामा लिने षडयन्त्र गरिरहेको छ।'
त्यसै गरी वरिष्ठ अधिवक्ता अवधेश सिंहले चीनको विस्तारवादी नीतिविरुद्ध सबै जना एक जुट हुनुपर्नेमा जोड दिए। उनले चीनले बीआरआईमार्फत नेपाललाई ऋण जालमा पार्न विभिन्न कोणबाट कसरत गरिरहेको आरोप लगाए।
त्यस्तै अर्का सहभागी सीताराम अग्रवालले चीनले पछिल्लो समय नेपालको भूभाग पनि मिचेको समाचार पढिरहेको बताए। उनले चिनियाँ नागरिक नेपालमा अवैध गति गरेको देशको सुरक्षा नै खतरामा परेको बताए।
त्यस्तै कार्यक्रममा सहभागी अभियानका केन्द्रीय सदस्य चन्द्र यदुवंशी, शहीद परिवारका सदस्य एवं प्रधानमन्त्री सचिवालय सदस्य बबिता ठाकुर, पत्रकार महासङ्घ सप्तरीका उपाध्यक्ष अम्बिका दाहाल लगायतले चीनको विस्तारवादी नीतिलाई जरैदेखि फाल्नु पर्नेमा जोड दिएका थिए।
