सरकारले गौतमबुद्ध अन्तर्राष्ट्रिय क्रिकेट रंगशाला बनाउने
हाम्रा कुरा
प्रकाशित २०७९ चैत २० सोमबार
720
Shares
तस्बिर – फाइल ।
काठमाडौं । सरकारले गौतमबुद्ध अन्तर्राष्ट्रिय क्रिकेट रंगशाला बनाउने भएको छ । सरकारले रंगशालाको स्वामित्व लिएर निर्माण गर्ने भएको हो । सोमबार बसेको मन्त्रिपरिषद्को बैठकले यस्तो निर्णय गरेको हो ।
उक्त रंगशाला धुर्मुस सुन्तली फाउन्डेसनले निर्माण गर्ने भनेको थियो । तर रकम अभावका कारण केही वर्षदेखि अलपत्र परेको छ । फाउन्डेशनले रंगशाला निर्माणको क्रममा लागेको १८ करोड ऋण तिर्न नसकेको भन्दै भरतपुर महानगरपालिकालाई जिम्मा लगाउँदै निर्माण रोकेको थियो ।
नेपालले विश्वकप एक दिवसीय क्रिकेटको छनोट चरण खेल्न पाउने भएपछि प्रधानमन्त्री पुष्पकमल दाहाल प्रचण्डलाई रंगशाला बनाउने दबाब बढेको थियो ।
उनले चासो दिँदै रंगशाला बनाउने भनेका थिए । त्यसपछि फाउन्डेसनका संस्थापक सीताराम कट्टेलले रंगशालाको स्वामित्व लिनका लागि सरकारलाई आह्वान गरेका थिए ।
सोअनुसार सोमबारको मन्त्रिपरिषद्को निर्णयसँगै अब चितवनको क्रिकेट रंगशाला निर्माणको काम अगाडि बढ्ने भएको छ ।
