-
-
-
-
काठमाडौं । महान्यायाधिवक्ता डा दीनमणि पोखरेलले गरेको निर्णय बदरको माग गर्दै सर्वोच्च अदालतमा परेको रिट निवेदनको आज सुनुवाइ हुँदैछ ।
राष्ट्रिय स्वतन्त्र पार्टी (रास्वपा) का सभापति रवि लामिछानेको राहदानी दुरुपयोगसम्बन्धी मुद्दा नचल्ने भनी पोखरेलले निर्णय गरेका थिए । उनको निर्णय बदर गर्नुपर्ने माग गर्दै सोमबार अधिवक्ता युवराज पौडेल ‘सफल’ ले रिट निवेदन दायर गरेका छन्।
सफलले लामिछानेविरुद्ध दायर गरेको रिट निवेदनमा राहदानी दुरुपयोगमा सजाय हुनुपर्नेमा उन्मुक्ति दिएको उल्लेख गर्दै उक्त निर्णय बदर गर्न माग गरिएको छ ।
यसअघि नै लामिछानेले प्रक्रियागत रूपमा नेपाली नागरिकता नलिएको उल्लेख गर्दै लामिछाने नेपाली नागरिकता नभएको फैसला सुनाएको थियो । उक्त फैसलासँगै लामिछानेको सांसद र मन्त्री पद गुमेको थियो । अहिले जिल्ला प्रशासन कार्यालयबाट प्रक्रिया पूरा गरी लामिछानेले नेपाली नागरिकता भने लिइसकेका छन् ।
