- सुन चाँदी दर
- विनिमय दर
- नेपाली पात्रो
- राशिफल
काठमाडौं । राप्रपा अध्यक्ष राजेन्द्र लिङदेनले भ्रष्टाचारको छानबिन हुनुपर्ने बताएका छन् । मंगलबार पोखरामा सम्बोधन गर्दै अध्यक्ष लिङ्देनले नेपालमा राजनीति उद्योगका रूपमा विकास भएको भन्दै उनले कुनै पनि कालखण्डमा भएका भ्रष्टाचारको छानबिन हुनुपर्नेमा जोड दिएका हुन् ।
'म ऊर्जामन्त्री हुँदा ठूलाठूला निर्णय भए तर मैले एक रुपैयाँ पनि अनियमितता गरिनँ', अध्यक्ष लिङदेनले भने, 'भ्रष्टाचार गर्नु भनेको नेपाली आमाको रगत खानु सरह हो ।'
उनले सुशासन, विकास र जनताको सेवालाई केन्द्रविन्दुमा राखेर सरकार अगाडि बढ्नुपर्नेमा जोड दिए । लिङ्देनले भने, 'हामीले देशको व्यवस्था त परिवर्तन गर्यौँ तर जनताको अवस्था फेर्न सकेका छैनौं ।'