-
-
-
-
काठमाडौं । छतबाट खसेर गम्भीर घाइते भएका दिलबहादुर थापा ‘शम्भु’ को बेहोशी अवस्थामै उपचार भइरहेको छ ।
राष्ट्रिय स्वतन्त्र पार्टी (रास्वपा)का सभापति रवि लामिछानेका चालक शम्भु तीन तलाको घरको छतबाट खसेर अहिले उपचाररत अवस्थामा छन् ।
शम्भु सोमबार बिहान भरतपुर महानगरपालिका वडा नं. ११ स्थित रवि लामिछाने बस्ने घरको छतबाट खसेका थिए ।
उनको स्वास्थ्य अवस्था स्थिर रहेको अस्पतालले जानकारी दिएको छ।
उनको कलेज अफ मेडिकल साइन्सेस शिक्षण अस्पताल (पुरानो मेडिकल कलेज) भरतपुरमा उपचार भइरहेको छ ।
उनको खुट्टा र टाउकोमा गम्भीर चोट लागेको छ । उनको टाउकाको शल्यक्रिया हिजै गरिएको छ। शल्यक्रिया भए पनि आज बिहान सम्मा उनको होस आएको छैन ।
थापाको स्वास्थ्य अवस्था स्थिर रहेको अस्पतालले जनाएको छ। भेन्टिलेटरमा उनको उपचार भइरहेको छ।
उनी रास्वपाका महामन्त्री मुकुल ढकालका सवारी चालक कालुराम राजवंशीसँगै राति छतमा सुतेको बताइएको छ ।
उक्त विषयमा प्रहरीले अनुसन्धान जारी छ भने थापा खसेको सीसीटीभी फुटेज पनि सार्वजनिक भएको छ ।
