-
-
-
-
काठमाडौं । राष्ट्रिय प्रजातन्त्र पार्टी (राप्रपा) को केन्द्रीय समितिको पूर्ण बैठकमा अध्यक्ष र केन्द्रीय सदस्यबीच चर्काचर्की भएको छ ।
अध्यक्ष राजेन्द्र लिङ्देन र केन्द्रीय सदस्य किशोर कार्कीबीच बैठकमै चर्काचर्की भएको हो । अन्य दलसँग पार्टी लागेको आरोप कार्कीले लगाएपछि लिङ्देन रिसाएका हुन् ।
कार्कीले हिजोका दिनमा चोर नेता भन्ने अहिले आफू पछि लाग्ने भनेका थिए । सो सुनेपछि लिङ्देनले कार्कीलाई कारबाही गर्नेसम्मको चेतावनी दिएका थिए ।
हिजोबाट शुरु भएको बैठक भोलिसम्म चल्नेछ । बैठकमा मुलुकको समसामयिक राजनीतिक अवस्था, गत वैशाख १० मा सम्पन्न उपनिर्वाचनको समीक्षा, प्रदेश तथा जिल्लाका साङ्गठनिक गतिविधिसहितको रिपोर्टिङङ तथा राष्ट्रिय तथा अन्तर्राष्ट्रिय परिस्थितिबारे छलफल भइरहेको छ ।
