नेपाल पहिलो पटक मलेसियासँग टी–२० क्रिकेटमा पराजित, दोस्रो खेल भोलि
हाम्रा कुरा
प्रकाशित २०८० जेठ १५ सोमबार
1.5k
Shares
काठमाडौं । नेपाल मलेसिया विरुद्धको पहिलो टी–२० अन्तर्राष्ट्रिय क्रिकेटमा पराजित भएको छ । घरेलु वाईएसडी यूकेएम ओभलमा सोमबार भएको खेलमा मलेसिया ५ विकेटले विजयी भएको हो ।
नेपाली महिला टोलीले पहिलो पटक मलेसियासँग हार व्यहोरेको हो । यसअघि मलेसियासँग भएका तीन टी–२० मा नेपाल अपराजित रहेको थियो ।
नेपालले दिएको ५१ रनको सामानय लक्ष्य मलेसियाले १३.२ ओभरमा ५ विकेट गुमाएर पूरा गर्यो ।
वान जुलियाले १३ तथा हमिजाहले अविजित १२ रन बनाइन् ।
नेपालका लागि कप्तान रुबिना क्षेत्री र सीता राना मगरले समान २–२ तथा कविता कुँवरले १ विकेट लिइन् ।
त्यसअघि टस हारेर पहिले ब्याटिङ गरेको नेपाल १६.५ ओभरमा अलआउट हुँदै मात्र ५० रन बनायो ।
डेब्यु खेलाडी सम्झना खड्काले सर्वाधिक १३ रन बनाइन् । ज्योती पान्डेले ११ रन बनाउँदा नेपालका अन्य ब्याटरले दोहोरो अंक खडा गर्न सकेनन् ।
नीर नुर अतिलाले ३ तथा ऐश्या एलिसा, हमिजाह र महिराह इश्लामीले समान २–२ विकेट लिइन् ।
नेपालका लागि यू–१९ टिमकी कप्तान कीर्तिका मरासिनी र सम्झना खड्काले डेब्यु गरेका थिए ।
जितसँगै मलेसियाले पाँच खेलको श्रृंखलामा १–० को अग्रता लिएको छ । दोस्रो खेल मंगलबार हुनेछ ।
