उपत्यकाभित्रै तीव्र गतिको बस बीच सडकमा पल्टियो, १९ घाइते
हाम्रा कुरा
प्रकाशित २०८० असार २ शनिबार
873
Shares
ललितपुर । ललितपुरमा एकाबिहानै बस दुर्घटना भएको छ । ललितपुरको इमाडोलमा भएको सो बस दुर्घटना परी १९ जना घाइते भएका छन्। उनीहरुको नजिकैको अस्पतालमा उपचार भइरहेको छ ।
लुभुबाट लगनखेलतर्फ आउँदै गरेको बा २ ख ८५८३ नम्बरको बस शनिबार बिहानै बीच सडकमा नै पल्टिन पुग्दा उक्त दुर्घटना भएको हो ।
प्रहरी प्रभाग इमाडोलका प्रहरी निरीक्षक हरि डाँगीका अनुसार सो दुर्घटनामा परी घाइते भएकामध्ये ग्वार्कोस्थित बी एण्ड बी अस्पतालमा १८ जनाको र नजिकैको किस्ट अस्पतालमा एक जनाको उपचार भइरहेको छ ।
उनका अनुसार सबैको स्वास्थ्य अवस्था सामान्य रहेको छ । उक्त बसमा २४ जना यात्रु सवार थिए। प्रत्यक्षदर्शीका अनुसार तीव्र गतिमा रहेका कारण सो बस अनियन्त्रित भई बीच सडकमा पल्टिएको हो।
ग्वार्को निस्कन लागिरहेको अवस्थामा तीव्र गतिमा गुडेको सो बस ओरालो सडकमा पल्टिएपछि झण्डै २० मिटर जति घिस्रिन पुगेको थियो ।
