सुन तस्करी प्रकरणका सबै आरोपी सीआईबीको हिरासतमा [फोटोफिचरसहित]
हाम्रा कुरा
प्रकाशित २०८० साउन २१ आइतबार
1.2k
Shares
काठमाडौँ । सय किलो सुन तस्करी प्रकरणका सबै आरोपीलाई प्रहरीको जिम्मा लगाइएको छ । राजस्व अनुसन्धान विभागको पुल्चोकस्थित हिरासतमा रहेका सबै आरोपीलाई प्रहरीको जिम्मा लगाइएको हो ।
१८ दिनसम्म आफैँले सम्हालेको विभागले आज सबै अनुसन्धानका प्रमाण र आरोपीहरुलाई प्रहरीको जिम्मा लगाएको हो । आजदेखि प्रहरीको केन्द्रीय अनुसन्धान ब्युरो (सीआईबी) ले यो प्रकरण सम्हालेको छ ।
त्रिभुवन अन्तर्राष्ट्रिय विमानस्थलबाट निकालिएको करिब सय किलो सुन सिनामंगल सडकबाट बरामद गरिएको थियो। उक्त प्रकरणमा विमानस्थल भन्सार कार्यालयका अधिकृतसहित ३ कर्मचारी, तीन जना भन्सार एजेन्ट, रेडी ट्रेडका सञ्चालक, तीन विदेशी नागरिकसहित १८ जना पक्राउ परेका छन् ।
जसमा एक जना भने हाजिरी जमानीमा रिहा भएका छन् ।
उक्त प्रकरणको अनुसन्धान गर्ने जिम्मा सीआईबीलाई दिन शुरुआतदेखि नै दबाब रहेको थियो । यसकै कारण संसदका दुवै सदन एमालेले अवरुद्ध गर्दै आएको छ ।
