-
-
-
-
काठमाडौं । राष्ट्रिय स्वतन्त्र पार्टीका सभापति रवि लामिछानेले संसद बैठकलाई ‘हाइज्याक’ गरिएको बताएका छन् । सोमवार संसद बैठकपछि सञ्चारकर्मीहरूसँग कुराकानी गर्दै सभापति लामिछानेले संसद बैठकलाई सभामुख देवराज घिमिरेले आफू अनुकूल चलाएर ‘हाइज्याक’ गरिएको बताएका हुन् ।
उनले संसद बैठकमा आफूले सुन्न चाहेको मान्छेलाई बोल्न दिने र अरूलाई बोल्न नदिएको भन्दै बन्द कोठामा बनाइएको योजना अनुरूप संसद बैठक चलाइएको बताए । उनले संसद बैठकको यस प्रकारको क्रियाकलापको रास्वपाले घोर भर्त्सना गर्ने बताए ।
सभामुखले संसद्को नियमित प्रक्रियाभन्दा बाहिर गएर बैठक चलाइरहेको भन्दै उनले कसको लागि र किन त्यस्तो गरिएको हो भनी प्रश्न गरे । उनले सभामुखमाथि शङ्काको घेरा देखिएको पनि बताए ।
