- सुन चाँदी दर
- विनिमय दर
- नेपाली पात्रो
- राशिफल
काठमाडौँ । एसिया कप क्रिकेटको पहिलो खेलमा नेपालले पाकिस्तानसँग खेलिरहेको छ । मुल्तानमा नेपालले एसिया कपमा डेब्यु गरिरहँदा घरेलु टिम दबाबमा परेको छ ।
टस जितेर पहिले ब्याटिङ गरेको पाकिस्तानले २५ रन जोड्दा दुई विकेट गुमाएको छ । पाकिस्तानले २१ रन जोड्दा पहिलो विकेट गुमायो ।
त्यस्तै २५ रन जोड्दा दोस्रो विकेट गुमायो ।
नेपालले कसिलो बलिङ गर्ने क्रममा ओपनर फखर जमानलाई सस्तैमा आउट गरेको छ । जमान २० बलमा १४ रन बनाएर आउट भए ।
उनलाई करण केसीले आउट गरेका हुन् । आसिफ शेखले क्याच गरेका थिए । करण र सोमपाल कामीले नेपालका लागि शुरुआती बलिङ गरेका छन् ।
पाकिस्तानले ६ ओभर खेल्दा २ विकेट गुमाएर २५ रन बनायो । इमाम उल हक १४ बलमा ५ रन बनाएर रन आउट भए । उनलाई कप्तान रोहित पौडेलले रन आउट गरेका हुन् ।
पाकिस्तान एक दिवसीयको शीर्ष वरीयतामा रहेको छ भने नेपाल १५ औँ वरीयतामा रहेको छ ।
पाकिस्तानले पछिल्ला पाँच खेलमा चारमा जित हासिल गरेको छ भने नेपालले दुईमा जित तथा तीनमा हार बेहोरेको छ ।
मुल्तानमा गत वर्ष पाकिस्तानले वेष्ट इन्डिजलाई स्वागत गरेको थियो । तीन वटै खेल त्यही मैदानमा भएका थिए जुन मैदानमा नेपाल र पाकिस्तान खेल्दैछन् ।
जहाँ पहिलो इनिङ्समा २५० भन्दा बढी रन बनेको थियो । यो पिचलाई ब्याटिङ पिचका रुपमा लिने गरिन्छ ।
कप्तान रोहित पौडेलले पाकिस्तानविरुद्ध कडा चुनौती पस्किने भन्दै टिमको मनोबल बढाउने कामसमेत गरेका छन् ।
एसिया कपमा नेपालको समूहमा भारतसमेत रहेको छ । भारत हालको वरीयतामा तेस्रो स्थानमा छ ।
सन् १९८४ देखि भइरहेको एसिया कपका १५ औँ संस्करणसम्म भारतले सात पटक, श्रीलंकाले छ पटक तथा पाकिस्तानले दुई पटक उपाधि जितेको छ ।