-
-
-
-
काठमाडौं । सरकारले सन् २०३० सम्ममा एचआईभी एड्स निर्मूल गर्ने लक्ष्य राखेको छ । एचआईभी एड्स रोकथामका लागि सरकारले विभिन्न कार्य योजना समेत अगाडी सारेको छ । स्वास्थ्य तथा जनसङ्ख्या मन्त्रालयका अनुसार देशभर लगभग ३० हजार जना एचआईभी संक्रमित रहेको अनुमान छ ।
चेकजाँच नगरिएका सङ्क्रमितहरूबाट एड्स सर्ने प्रबल सम्भावना रहन्छ । नेपालमा करिब ९ हजार भन्दा बढी एड्स सङ्क्रमितको चेकजाँच हुन नसकेको सरकारी तथ्याङ्क छ ।
सन् २०३० सालसम्म नेपालबाट एचआईभी निर्मूल गर्न तीन वटा मुख्य रणनीतिक लक्ष्यहरू तय गरिएको छ । नेपालमा अझै पनि ३० हजार एचआईभी सङ्क्रमितहरू रहेको स्वास्थ्य सेवा विभाग अन्तर्गत राष्ट्रिय एड्स तथा यौन रोग नियन्त्रण केन्द्रका निर्देशक डा.सञ्जय ठाकुरले बताए ।
