इतिहासकै धेरै रन बनायो नेपालले, ३४ बलमा कुशलले गरे शतक पूरा
हाम्रा कुरा
प्रकाशित २०८० असोज १० बुधबार
1.5k
Shares
फाइल तस्बिर
काठमाडौं । नेपालले टी- २० क्रिकेटमा इतिहासकै धेरै रन बनाएको छ । नेपाली राष्ट्रिय क्रिकेट टिमले मङ्गोलियाविरुद्ध ३१४ रनको विशाल रन बनाएर टी- २० मा धेरै रनको रेकर्ड बनाएको हो ।
यसअघि अफगानिस्तान र चेक रिपब्लिकनले समान २ सय ७८ रन बनाएका थिए । अस्ट्रेलिया २६३ रन बनाएर त्यसपछि रहेको छ । सूचीमा भारत र श्रीलङ्का समान २६० रनको साथ पाँचौँ स्थानमा छन् ।
आज भएको खेलमा नेपालले मङ्गोलियालाई विशाल रनको चुनौती दिएको छ । १९औँ एसियाली खेलकुदमा नेपालले मङ्गोलिया विरुद्ध ३१५ रनको विशाल चुनौती दिएको हो ।
टी- २० फर्म्याट खेलमा नेपालले मङ्गोलिया विरुद्ध ३१४ रन बनाएको छ । अब मङ्गोलियाले जित्न ३१५ रन बनाउनुपर्ने हुन्छ ।
निर्धारित २० ओभरमा ३ विकेट गुमाएर नेपालले ३१४ रन बनाएको हो । कुशल मल्ल टी-२० अन्तर्राष्ट्रियमा क्रिकेटमा सबैभन्दा छिटो शतक बनाउने खेलाडीको कीर्तिमान राखेका छन् ।
३४ बलमा शतक पूरा गर्दै मल्लले कीर्तिमान राखेका हुन । खेलमा कप्तान रोहित पौडेलले ६१ तथा दीपेन्द्र सिंह ऐरीले ५२ रन बनाए ।
मङ्गोलियालाई आइसीसीले सन् २०२१ मा एसोसिएट टोलीको मान्यता दिएको थियो । नेपालले अर्को खेल आइतबार मालदिभ्ससँग खेल्नेछ ।
