गुटेरेसको सम्बोधन सम्बन्धी पत्रको ब्यहोरा संसद्मा सुनाइँदै, यस्ता छन् कार्यसूची

प्रतिनिधि सभाको बैठक बस्दै

गुटेरेसको सम्बोधन सम्बन्धी पत्रको ब्यहोरा संसद्मा सुनाइँदै, यस्ता छन् कार्यसूची

हाम्रा कुरा

प्रकाशित २०८० कार्तिक १२ आइतबार

काठमाडौँ । आज प्रतिनिधि सभाको बैठक बस्दै छ । आजको बैठकमा सभामुखले प्रधानमन्त्री तथा मन्त्रिपरिषद्को कार्यालयबाट प्राप्त कार्यभार तोकिएको सम्बन्धी पत्रहरू तथा संयुक्त संयुक्त राष्ट्र सङ्घका महासचिव एन्टोनियो गुटेरेसको सम्बोधन सम्बन्धी पत्रको ब्यहोरा पढेर सुनाइँदैछ ।

आगामी मङ्गलवार अपराह्न ४ बजे महासचिव गुटेरेसले सङ्घीय संसद्को संयुक्त बैठकलाई सम्बोधन गर्ने कार्यक्रम रहेको संसद् सचिवालयले जनाएको छ ।

आज दिउँसो १ बजे शुरु हुने बैठकमा अर्थमन्त्री डा. प्रकाशशरण महतले “बैंकिङ्ग कसुर तथा सजाय (दोस्रो संशोधन) विधेयक, २०८० लाई प्रस्तुत गर्न अनुमति माग्ने प्रस्ताव प्रस्तुत गर्नेछन् । साथै अर्थमन्त्रीले “बैंकिङ्ग कसुर तथा सजाय (दोस्रो संशोधन) विधेयक, २०८० प्रस्तुत गर्ने, “भन्सार विधेयक, २०८० लाई प्रस्तुत गर्न अनुमति माग्ने प्रस्ताव प्रस्तुत गर्ने, भन्सार विधेयक, २०८० प्रस्तुत गर्ने कार्यसूची रहेको छ ।