-
-
-
-
काठमाडौँ । रिगल भनिने योगराज ढकाल पक्राउ गरेसँगै अनशनरत भारती मानन्धरले खुसी व्यक्त गरेकी छन् ।
रिगलको आममाफी सर्वोच्च अदालतले बदर गरिदिएसँगै मृतक चेतन मानन्धरकी पत्नी भारतीले सर्वोच्च अदालतको फैसलाले आफूलाई थप साहस दिएको बताइन् ।
उनले आफूलाई धेरै बाधा, डर त्रास, धम्की र पैसाका बार्गेनिङहरू आए पनि अन्ततः न्याय पाएको बताइन् ।
उनले अन्यायमा परेका महिलालाई आफ्नो यस कामबाट प्रेरणा मिल्ने आशा गरेको बताइन् ।
नेपालगञ्जका चेतनको हत्या अभियोगमा कैद भुक्तान गरिरहेको रिगललाई सरकारले गत संविधान दिवसको अवसरमा आममाफी दिएको थियो ।
रिगलको आममाफीविरुद्ध चेतनकी पत्नी भारतीले सर्वोच्चमा रिट निवेदन दिएकी थिइन्।
प्रहरीले हिजै रिगललाई पक्राउ गरि कारागार चलन गरेको छ ।
