-
-
-
-
काठमाडौँ । तीन दिनसम्म देशको उच्च पहाडी तथा हिमाली भू-भागमा हिमपातको सम्भावना रहेको छ।
जल तथा मौसम विज्ञान विभागका अनुसार देशभरिको तापक्रम क्रमिक रूपमा घटिरहेको छ ।
हाल देशमा पश्चिमी वायुको आंशिक प्रभाव रहेको छ। हाल देशको पहाडी भू-भागमा आंशिक बदली रही बाँकी भू-भागको मौसम सामान्यतया सफा रहेको छ।
आज कोशी प्रदेश लगायत देशको पहाडी भू-भागमा आंशिक बदली रही बाँकी भू-भागको मौसम सामान्यतया सफा रहनेछ।
कोशी, बागमती र गण्डकी प्रदेशका उच्च पहाडी तथा हिमाली भू-भागमा भने हिमपातको सम्भावना रहेको छ।
त्यसैगरि भोलि शुक्रबार पनि कोशी, बागमती र गण्डकी प्रदेशका उच्च पहाडी तथा हिमाली भू-भागमा हल्का हिमपातको सम्भावना रहेको छ।
शनिबार पनि कोशी, बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ।
हिमपातको सम्भावना र देशभरिको तापक्रम क्रमिक रूपमा घटिरहेको हुनाले त्यसबाट सतर्क हुन आग्रह गरेको छ ।
