-
-
-
-
काठमाडौँ । नागरिक बचाउ अभियानका अभियन्ता एवं मेडिकल व्यवसायी दुर्गा प्रसाईले आन्दोलनकारीलाई लिएर नेताहरुको घरमा जाने बताएका छन् ।
हिजोदेखि ‘व्यवस्था विरोधी’ आन्दोलन शुरु गरेका प्रसाईले दुःखी चेलिबेटीहरुलाई लिएर घर घेराउ गर्ने बताएका हुन् ।
‘अब यी चेलिबेटीसहित म प्रचण्ड र ओलीको घर घेर्न जानेछौँ,’ प्रसाईले भने, ‘अब उनीहरुले उहाँहरुको जिम्मा लिनुपर्नेछ ।’
उनले काठमाडौँ, भक्तपुर र ललितपुरका नेवार समुदाय पनि आन्दोलनमा आउनु पर्ने बताएका छन् ।
‘आज यो आन्दोलनमा तपाईहरु आउनु भएन भने भोलि तपाईहरुको धनीपुर्जा पनि हुन्न’ उनले भने ।
