व्यवस्था हैन अवस्था परिवर्तन गर्न आएका हौँ – रवि लामिछाने
प्रिमेश शिवाकोटी,
प्रकाशित २०८० मंसिर ९ शनिबार
2k
Shares
रौतहट । राष्ट्रिय स्वतन्त्र पार्टीका सभापति एवं पूर्व गृहमन्त्री रवि लामिछानेले पुराना दल र तिनका नेताहरूकै कारण अहिलेको ब्यवस्थाप्रति जनतामा निराशा छाएको बताएका छन् ।
शनिबार रौतहटको चन्द्रपुरमा पत्रकारहरुसँगको अन्तरक्रियामा लामिछानेले लोकतान्त्रिक गणतन्त्र ल्याउन भएको आन्दोलन र प्राप्त उपलब्धि र वर्तमान व्यवस्थाप्रति जनताको गुनासो बढेको बताएका हुन् ।
लामिछानेले मेडिकल व्यवसायी दुर्गा प्रसाईले गरेको आन्दोलन पुराना दल र नेताहरूकै उपज भएको बताउँदै व्यवस्था हैन अवस्था परिवर्तन गर्न रास्वपा गठन भएको बताए ।
मधेस प्रदेशका विभिन्न जिल्लामा केन्द्रित सभाहरूमा सहभागी हुने क्रममा रौतहट आएका सभापति लामिछानेले गौर र सन्तपुरमा आयोजना हुन लागेको सभालाई सम्बोधन गर्ने कार्यक्रम छ ।
रास्वपाले मधेशमा आफ्नो पकड जमाउन मधेस केन्द्रित सभा र कार्यकर्ता भेटघाटको तयारी तीब्र पारेको छ ।
