-
-
-
-
काठमाडौँ । भारतीय पूर्व क्रिकेट कप्तान महेन्द्र सिंह धोनीको सात नम्बरको जर्सी रिटायर्ड भएको छ । दुई पटकका विश्वकप विजेता कप्तान धोनीको ७ नम्बर जर्सी अब कुनै पनि भारतीय क्रिकेटका लागि उपलब्ध हुने छैन ।
भारतीय क्रिकेट कन्ट्रोल बोर्ड (बीसीसीआई) ले उनको जर्सी रिटायर्ड गर्ने निर्णय गरेको हो ।
धोनीले अन्तर्राष्ट्रिय क्रिकेटबाट संन्यास लिएको करिब तीन वर्षपछि बीसीसीआईले यो निर्णय गरेको हो । धोनीले सन् २०२० को अगस्त १५ मा संन्यास लिएका थिए । उनले सन् २०१४ मा टेष्टबाट संन्यास लिइसकेका थिए ।
भारत यो किसिमको सम्मान पाउने दोस्रो खेलाडी हुन् । यसअघि सचिन तेन्दुलकरको १० नम्बरको जर्सी २०१७ सालमा रिटायर्ड गरिएको थियो ।
बीसीसीआईले डेब्यु गर्ने खेलाडीहरुलाई पनि सात नम्बर १० नम्बर बारेको सूचना दिइसकेको छ ।
धोनीले आफ्नो कप्तानीमा सन् २००७ मा टी–२० विश्वकप र सन् २०११ मा एक दिवसीय विश्वकप जिताएका थिए ।
