-
-
-
-
काठमाडौँँ । देशभरका लघुवित्त पीडितहरू काठमाडौं आइपुगेका छन् । उनीहरूले न्याय मार्च नाम दिएर न्याय नपाएको भन्दै काठमाडौं प्रवेश गरेका हुन् ।
काठमाडौँमा मङ्गलवार प्रदर्शनका क्रममा आन्दोलनमा सहभागी रोल्पाका गगन विश्वकर्माले लघुवित्तीय संस्थाहरूले बढी ज्यादती गरेको हुनाले आन्दोलन गर्नुपरेको बताए ।
उनले लघुवित्तीय संस्थाहरूले ऋणीसँग चर्को ब्याज असुलेको बताए ।
उनले भने, ‘लघुवित्तीय संस्थाहरूले बढी ज्यादती गरेको हुनाले कसैलाई घरबार विहीन बनाए, कसैलाई जग्गा लुटेर बैङ्कमा लुटपाट गराइदिने, बढी चर्को ब्याज असुलेका छन् । बढी पीडितलाई दबाब दिएकाले आन्दोलन गरेका हौँ ।’
लघुवित्तीय संस्थाविरुद्धको सङ्घर्ष समितिले बुधवारबाट काठमाडौं लक्षित आन्दोलन गर्ने बताएको छ ।
