कोहली भए छोराका बाबु, अनुष्काले जन्माइन् दोस्रो सन्तान
हाम्रा कुरा
प्रकाशित २०८० फागुन ९ बुधबार
663
Shares
मुम्बई । बलिउड अभिनेत्री अनुष्का शर्मा र क्रिकेटर विराट कोहलीले छोरा जन्माएका छन् । मंगलबार साँझ अनुष्काले आफ्नो सामाजिक सञ्जाल इन्स्टाग्राममार्फत छोरा अकायको जन्म भएको जनाएकी थिइन् ।
अनुष्काले इन्स्टाग्राममा एक नोट शेयर गरेकी छिन्, जसमा फेब्रुअरी १५ मा सो बच्चाको जन्म भएको खुलासा गरिएको हो । उनको नोटमा लेखिएको थियो, ‘प्रचुर खुशी र हाम्रो मायाले भरिएको हृदयका साथ, हामी सबैलाई यो जानकारी गराउन पाउँदा खुसी छौं कि फेब्रुअरी १५ मा हामीले हाम्रो बच्चा अकाय र वामिकाको सानो भाइलाई यस संसारमा स्वागत गर्यौं । हामी हाम्रो जीवनको यो सुन्दर समयमा तपाईंको आशीर्वाद र शुभकामना चाहन्छौं। हामी तपाईंलाई यस समयमा हाम्रो गोपनीयताको सम्मान गर्न अनुरोध गर्दछौँ । प्रेम र कृतज्ञता, विराट र अनुष्का ।’
वलिउडका हस्तीहरू रणवीर सिंह, वाणी कपूर र अन्य धेरै सेलिब्रेटीहरूले पोस्टको कमेन्ट सेक्सनमा नयाँ अभिभावकलाई बधाई दिएका छन् ।
विराट कोहली र अनुष्का शर्माले आफ्नो गर्भावस्थाको खबर गोप्य राखेका थिए । पहिलो पटकको विपरीत दम्पतीले आफ्नो आनन्द घोषणा गर्न पर्खिरहेका थिए ।
दोस्रो बच्चालाई स्वागत गर्नकै लागि कोहलीले क्रिकेट खेलिरहेका छैनन् । उनले घरायसी बिदा चाहिएको भन्दै बिदा मागेका थिए । उनलाई बिदा दिने कि नदिने भन्नेमा बहस भएको थियो ।
दिग्गजहरुले जसले क्रिकेट बुझेका छन् उनीहरुले जो १३ वर्षदेखि कुनै बिदा बिना नै खेलिरहेको छ भने उसलाई चाहिएको बेलामा बिदा दिनुपर्ने भन्दै उनको बिदाको कदर गरेका थिए ।
दम्पतीले जनवरी २०२१ मा छोरी वामिकालाई स्वागत गरेका थिए । विराट र अनुष्काले धेरै वर्ष एक अर्कालाई डेट गरेपछि २०१७ मा विवाह गरेका हुन् ।
