-
-
-
-
काठमाडौँ । प्रतिनिधि सभाको शुक्रबारको बैठक तनावपूर्ण बनेको छ । सांसदहरुले एक अर्का दलका सांसदहरुमाथि आरोप प्रत्यारोप गरेपछि तनाव सिर्जना भएको हो ।
जसका कारण बैठक एक घण्टा पनि सञ्चालन नभइ स्थगित भएको छ । १५ मिनेटका लागि स्थगित भएको घोषणा सभामुख देवराज घिमिरेले गरे पनि विपक्षका सांसदहरुले बालकुमारी घटनाका दोषीलाई कारबाही नगरेको भन्दै संसद अगाडि बढ्न नदिने बताएका छन् ।
राप्रपाका सांसद ज्ञानेन्द्रबहादुर शाहीले संसद अगाडि बढ्न नदिने बताए । त्यसैगरी एमालेका सांसदहरुले सरकार गैरजिम्मेवार बनेको भन्दै संसद अगाडि बढ्न नदिने बताएका हुन् ।
त्यसअघि नेपाली कांग्रेसका सांसद राजेन्द्रकुमार केसीले विपक्ष दलका सांसदहरु गैरजिम्मेवार बन्दा बिहीबारको विधेयक पेश हुन नसकेको बताएपछि उनीमाथि विपक्षी सांसदहरु खनिएका थिए ।
