-
-
-
-
काठमाडौँ । सबैको कथा एउटै हुन्छ भन्ने हुँदैन । कसैको सरल त कसैको कठिन । यसरी नै चलिरहेको छ संसार । हरेक कामलाई सम्मानका साथ हेर्नुपर्छ ।
कथा खोज्ने क्रममा यसपालिको कथामा इँटा भट्टीमा जे देखियो । हिउँदका ६ महिना मात्र इँटाभट्टामा काम हुन्छ बर्खामा पानी पर्ने भएकाले इँटा बन्दैन ।
बर्सेनि मौसमी रूपमा कामदारहरु आउने गर्छन् । बर्खा सकिएपछि हिउँद लागेसँगै पुनः इँटा भट्टा फर्कन्छन् ।
यहाँका प्रायः इँटा भट्टामा नेपाल र भारतबाट कामदारहरु आउने गर्छन् । अहिलेको समयमा विभिन्न प्रविधिहरु भित्रिए पनि इँटा भट्टाको संसार उही पुरानै शैलीमै चलिरहेको छ ।
इँटा पनि फरक किसिमले उत्पादन गर्ने प्रविधिहरु पनि आइसकेका छन् । इँटा निर्माणका क्रममा मलिलो माटो चाहिन्छ ।
इँटालाई माटोको थुप्रो बनाइ ढाँचामा राखी भट्टीमा छोडिन्छ । एउटा इँटा भट्टीमा इँटा बनाउनेदेखि इँटा बोक्ने, इँटा पोल्नेलगायत थुप्रै कामदार हुन्छन् । (नेपाल फोटो लाइब्रेरी)
