सहकारी ठगीमा मुछिएको भन्दै नेविसंघले माग्यो गृहमन्त्रीको राजीनामा [भिडियो]
हाम्रा कुरा
प्रकाशित २०८१ जेठ ६ आइतबार
556
Shares
काठमाडौँ । नेपाली कांग्रेस निकट विद्यार्थी संगठन (नेविसंघ) ले उपप्रधान एवं गृहमन्त्री रवि लामिछानेको राजीनामा माग गर्दै प्रदर्शन गरेको छ ।
आइतबार माइतीघर मण्डला क्षेत्रमा नेविसंघले गृहमन्त्री लामिछानेको राजीनामा माग गर्दै प्रदर्शन गरेको हो ।
सहकारी ठगी प्रकरणमा मुछिएका लामिछानेले राजीनामा दिनुपर्ने भन्दै उनीहरूले प्रदर्शन गरेका हुन् ।
प्रदर्शनका क्रममा उनीहरूले चिया छानेको, सहकारी ठग जोगाउन कति जानेको, रविको जीविकोपार्जन सहकारी ठगी, गृहमन्त्रीज्यू प्रमाणित भए राजनीति छोड्ने रे, अनि प्रमाणित हुन छानबिन गर्नु परेन, ए रवि दाइ, खोइ त जीबी राई, रवि लामिछाने, होइन, होइन ठगी लामिछाने लगायतका प्लेकार्डहरू प्रदर्शन गरेका थिए ।
संसद्मा पनि प्रमुख प्रतिपक्षी दल नेपाली कांग्रेसले लामिछानेमाथि छानबिन हुनुपर्ने माग राख्दै अवरोध गर्दै आइरहेको छ ।
