-
-
-
-
पोखरा । ठगीसम्बन्धी कसूरमा उच्च अदालतबाट नौ महिना कैद सजाय पाएका पोखरा महानगरपालिका वडा नं. २ मोहरियाटोलका कमलमान गुभाजु नौ वर्षपछि पक्राउ परेका छन् ।
गुभाजुलाई ठगीसम्बन्धी मुद्धामा उच्च अदालत पोखराले २०७२ भदौ १० गते नौ महिना कैद सजाय र १५ लाख रुपैयाँ जरिवाना गर्ने फैसला गरेको थियो ।
उनलाई वडा प्रहरी कार्यालय बगरबाट खटिएको टोलीले शुक्रबार पक्राउ गरेको हो । उनलाई आज अदालत पेस गरिएको प्रहरीले जनाएको छ ।
प्रहरीका अनुसार गुभाजुले सात महिना २९ दिन कैद सजाय र १४ लाख १५ हजार रुपैयाँ भुक्तान गर्न बाँकी छ ।
