अतिरिक्त समयको भत्ता नदिने संसद सचिवालयका महासचिवको कार्यकक्ष घेराउ [तस्बिर]
हाम्रा कुरा
प्रकाशित २०८१ असार ४ मंगलबार
353
Shares
काठमाडौँ । संघीय संसद सचिवालयका कर्मचारीहरुले संसदका महासचिवको कार्यकक्ष घेराउ गर्दै विरोध गरेका छन् ।
संसद भवन नयाँ बानेश्वरस्थित संसदका महासचिव पद्यप्रसाद पाण्डेको कार्यकक्ष घेराउ गर्दै उनीहरुले संसदमा अतिरिक्त समयमा काम गरे बापतको सेवा सुविधा व्यवस्था गर्न माग गरेका हुन् ।
कर्मचारीहरुले आन्दोलनका क्रममा हातमा कालोपट्टीसमेत बाँधेर विरोध जनाएका थिए । उनीहरुले संसदमा कार्यालय समय बाहेक अतिरिक्त समयमा काम गरेको भत्तालगायत सेवा सुविधाहरु थप गर्न माग गर्दै बिहान १० बजेदेखि ११ बजेसम्म धर्ना दिएका हुन् ।
संसद सचिवालयका कर्मचारी युनियनका अध्यक्ष गोविन्दप्रसाद बेल्बासेले साँझ ५ बजेसम्मको स मय कुर्ने र माग पूरा नगरे बुधवारबाट १० देखि १२ बजेसम्म आन्दोलन गर्ने चेतावनी दिए ।
उनले बजेटमा आगामी वर्षको अतिरिक्त समयको सेवा सुविधाको सुनिश्चितता हुनुपर्ने माग गरे ।
माग पूरा नभएसम्म आन्दोलन जारी रहने बेल्बासेले बताए । संसद सचिवालयका कर्मचारीहरु ११ बुँदे मागसहित आन्दोलनमा छन् ।
सभाम्ुख देवराज घिमिरे, राष्ट्रिय सभा अध्यक्ष नारायणप्रसाद दाहालसहित संसदका राजनीतिक दलका प्रमुख सचेतकहरुले सोमबार कर्मचारीहरुसँग छलफल गरेका थिए ।
