-
-
-
-
काठमाडौँ । उत्तरी गोरखाको धार्चे गाउँपालिका–५ सिङलास्थित रेसेगाउँमा आइतबार बिहान गएको पहिरोमा परी गम्भीर घाइते भएका दुई जनालाई हेलिकप्टरबाट उद्धार गरिएको छ।
घाइतेलाई स्थानीयले उद्धार गरी हेलिकोप्टर मार्फत काठमाडौंको टिचिङ अस्पताल ल्याइएको छ । कैलाश एयरको हेलिकप्टर मार्फत घाइते ३५ वर्षीय दिलीप गुरुङ र २७ वर्षीय खम बहादुर गुरुङलाई उपचारको लागि काठमाडौं ल्याइएको हो ।
पहिरोमा परी एकै घरका तीन जनासहित पाँच जनाको खोजी कार्य भइरहेको छ । बेपत्ता हुनेहरूमा ३७ वर्षीय जीत बहादुर गुरुङ, जीत बहादुर गुरुङको श्रीमती ३५ वर्षीय कान्छी गुरुङ, जीत बहादुर गुरुङको बुबा ६० वर्षीय सुलाल कान्छा गुरुङ, ३३ वर्षीय रमेश गुरुङ र २४ वर्षीय रमेश परियार रहेका छन् ।
