म्याच फिक्सिङको आरोपमा श्रीलंकन स्पिनर जयाविक्रमलाई कारबाही
हाम्रा कुरा
प्रकाशित २०८१ साउन २४ बिहिबार
308
Shares
काठमाडौँ । श्रीलंकाका स्पिनर प्रवीन जयाविक्रमालाई म्याच फिक्सिङको आरोप लागेको छ । अन्तर्राष्ट्रिय क्रिकेट परिषद् आईसीसीले अन्तर्राष्ट्रिय खेल र २०२१ मा श्रीलंका प्रिमियर लिगका क्रममा म्याच फिक्सिङको छानबिनको क्रममा सहयोग नगरेको भन्दै कारबाही गर्ने जनाएको छ ।
उनले म्याच फिक्सिङसँग छानबिनका क्रममा म्यासेज डिलेट गरेको पाइएको र आईसीसीको एन्टी करप्सन युनिटसँग रिपोर्ट नगरेको बताइएको छ ।
आईसीसीले अगस्त ६, २०२४ देखि १४ दिनको समय दिएर प्रवीनलाई आइसीसीको एन्टी करप्सन युनिटमा रिपोर्ट गर्न र आफूमाथि लागेका आरोपको जवाफ दिन समय दिएको उल्लेख गरेको छ ।
२५ वर्षीय स्पिनरले श्रीलंकाका लागि १५ अन्तर्राष्ट्रिय खेल खेलेका छन् । आईसीसी, श्रीलंका क्रिकेट बोर्ड र श्रीलंका प्रिमियर लिग प्रवीनलाई यस प्रकरणमा एक्सन लिन सहमत भएको बताइएको छ ।
उनले श्रीलंकाका लागि पछिल्लो खेल २०२२ मा अस्ट्रेलियाविरुद्ध टी–२० खेलेका थिए ।
