- सुन चाँदी दर
- विनिमय दर
- नेपाली पात्रो
- राशिफल
काँक्रेविहार । सुर्खेत वीरेन्द्रनगरबाट करिब १० मिनेटको दूरीमा रहेको काँक्रेविहार उपत्यकाको सबैभन्दा उचाई र शाक्त वातावरणमा रहेको स्थान हो । सुर्खेतको कोलाहल छल्न र शाक्त वातावरणको आनन्द लिन हिजोआज मानिस यहाँ आउने गर्दछन् ।
भग्नावशेषकै रुपमा रहेको बेला विसं २०२९ सालमा तत्कालीन राजा वीरेन्द्रको सुर्खेत भ्रमण पश्चात सो विहारको महत्व बढेको देखिन्छ भने यसको पुनःनिर्माण कार्य २०७५ सालमा मात्र गरिएको थियो ।
ढुङ्गामा कुँदिएका बुद्धका कलाआकृति, विभिन्न बुट्टाहरु हेर्दा यस्तो लाग्छ उत्कृष्ट शिल्पकारी कारीगरीको नमूनाकै रुपमा रहेको छ काँक्रेविहार ।
सो काँक्रेविहारको ऐतिहासिक र पुरातात्वक पक्षको भने अझै गहन अध्ययन, अनुसन्धान र अन्वेषणको आवश्यकता देखिन्छ । यस विहारको निर्माण १३ औँ शताब्दीतिर भएको अनुमान गरिएको पाइन्छ ।
केही तथ्य अनुसार सिञ्जा साम्राज्यका राजा अशोक चल्लले विसं १३२५ मा काँक्रेविहार निर्माण गरेका हुन् भन्ने पनि गरिन्छ ।
उपत्यकाको उचो भागमा शिखरशैली रहेको सो विहार हाल सुर्खेत आउने पर्यटकको पहिलो रोजाईमा पर्ने गरेको छ । ऐतिहासिक, धार्मिक र पुरातात्विक महत्व बोकेको काँक्रेविहार कर्णाली प्रदेशकै एक उत्कृष्ट पर्यटकीय स्थलको रुपमा रहेता पनि यसको व्यापक प्रचारप्रसारको भने आवश्यकता देखिन्छ । (नेपाल फोटो लाइब्रेरी)