खोटाङ । खोटाङमा भीरबाट लडेर एक जनाको मृत्यु भएको छ । मृत्यु हुनेमा केपिलासगढी गाउँपालिका वडा नं. ७ सुङ्देलकी ४१ वर्षीया मनकुमारी राई रहेकी छन् ।
राईको कोदो रोपेर घर फर्कने क्रममा भीरबाट लडेर मृत्यु भएको जिल्ला प्रहरी कार्यालय खोटाङका सूचना अधिकारी प्रहरी निरीक्षक बेनु कार्कीले जानकारी दिइन् ।
प्रहरीका अनुसार मनकुमारी आफ्नै छिमेकीको बारीमा शनिबार कोदो रोप्न गएकी थिइने । बेलुका घर नफर्किएपछि स्थानीय बासिन्दाले खोजी गर्नेक्रममा बाटोभन्दा करिब ७० मिटर तल मृत फेला पारेको प्रहरीले जनाएको छ ।
रातभर खोजी गर्दा नभेटिएकी मनकुमारीलाई स्थानीय बासिन्दाले आज बिहान भीरमुनि मृत फेला पारेका हुन् ।
घटना शङ्कास्पद देखिएपछि मनकुमारीसँगै कोदो रोप्न गएकी ४६ वर्षीया मोती राईलाई प्रहरीले नियन्त्रणमा लिएको वडाध्यक्ष गोपाल राईले जानकारी दिए ।
“घटना भएको ठाउँ वरपरका झाडी माडिएको छ । दुवैले मादकपदार्थ सेवन गरेको भन्ने खुलेको छ”, उनले भने, “आपसमा झगडा गरेको नभइ दुवै जना मातेर एकआपसमा पक्रापक्री गर्दा लडेको जस्तो देखिन्छ । घटनास्थलमा दुवैको चप्पल, गम्बुट र लुगाफाटा छरपस्ट छन् ।”
