-
-
-
-
पोखरा । पोखरा महानगरपालिका वडा नं ३० पावर हाउसबाट लागूऔषधसहित एक युवक पक्राउ परेका छन् ।
कास्कीको अन्नपूर्ण गाउँपालिका वडा नं १० घान्द्रुक घर भइ हाल पोखरा-१४ काजिपोखरी बस्ने १८ वर्षीय अनिश गुरुङ लागूऔषधसहित शुक्रबार राति ८ः३० बजे पक्राउ परेको कास्की प्रहरीले जनाएको छ ।
ईलाका प्रहरी कार्यालय शिशुवाबाट खटिएको प्रहरी टोलीले पोखरातर्फ आउँदै गरेको बस चेकजाँच गर्नेक्रममा गुरुङको साथबाटट ट्रमाडोल हाइड्रोक्लोराइड क्याप्सल लेखिएको २ सय ४० क्याप्सुल बरामद गरिएको हो ।
पक्राउ परेका गुरुङबिरुद्ध अदालतबाट लागूऔषधसम्बन्धी मुद्दामा १५ म्याद लिएर अनुसन्धान प्रक्रिया अघि बढाइएको जिल्ला प्रहरी कार्यालय कास्कीले जनाएको छ ।
