-
-
-
-
काठमाडौँ । कोशीमा पानीको बहाव पाँच लाख २१ हजार ४ सय ५५ क्युसेक पुगेको छ । योसँगै कोशीका सबै ५६ ढोका खोलिएको छ ।
अविरल वर्षाका कारण बिच टिग्री टापुमा फसेका २७ जनाको उद्धारमा समस्या भएको सशस्त्र प्रहरीले जनाएको छ ।
खराब मौसमका कारण हेलिकप्टर आउन नसकेपछि समस्या भएको हो । मोटरबोट र बोटबाट उद्धार गर्न नसिकिने देखिएकोसमेत सशस्त्रले जनाएको छ ।
बराहक्षेत्र ६ ठाकुरबारीमा प्रदेश मुख्यमन्त्री, प्रदेश सुरक्षा प्रमुख, जिल्ला सुरक्षा समिति र नगर प्रमख घटनास्थल नजिकै रहेका छन् । बहाव घटेपछि उद्धारमा जाने गरी नेपाली सेना, सशक्त प्रहरी र स्थानीय प्रहरी उद्धारमा जाने भनी तयारी अवस्थामा रहेका छन् ।
