-
-
-
-
काठमाडौँ । संसदीय सुनुवाइ विशेष समितिले सर्वोच्च अदालतको न्यायाधीशमा सिफारिस नृपध्वज निरौला र नित्यानन्द पाण्डेका सम्बन्धमा सार्वजनिक उजुरी आह्वान गर्ने निर्णय गरेको छ ।
सोमबार बसेको समितिको बैठकले निरौला र पाण्डेविरुद्ध उजुरी आह्वान गर्ने निर्णय गरेको हो ।
न्यायपरिषद्ले उच्च अदालतमा न्यायाधीश रहेका निरौला र पाण्डेलाई गत शुक्रबार सर्वोच्च अदालतको न्यायाधीश सिफारिस गरेको थियो ।
उजुरी आह्वानसँगै निरौला र पाण्डेको संसदीय सुनुवाइ प्रक्रिया शुरु भएको छ ।
